El Gobiernu evita l'enfrentamientu con Trump y asegura qu'España ye un "sociu fiable"

Alegría señala que "evidentemente España nun ye un BRIC, nun ye un país emerxente"

El Gobiernu evitó esti martes l’enfrentamientu col nuevu presidente de los Estaos Xuníos, Donald Trump, afirmó qu’España ye un "sociu fiable" y garantizó que va facer "tolo posible" pa siguir calteniendo una rellación estratéxica con esi país.

Na rueda de prensa darréu a la xunta del Conseyu de Ministros, la vocera del Executivu, Pilar Alegría, foi entrugada pol error de Trump al inxertar a España nos BRICS, poles sos amenaces arancelaries y por dalguna de les sos primeres decisiones, como l’indultu a los asaltantes del Capitoliu.

Alegría, que consideró que nun-y correspuende al Gobiernu opinar sobre eses decisiones, llendóse a señalar que "evidentemente España nun ye un BRIC, nun ye un país emerxente" y dixo que nun sabía si foi una confusión o non.